රිහාෂා කරන අලුත් වැඩේ

ගීත රූප රචනා හරහා නිතර දුටු රිහාෂා මධුෂා මේ වනවිට නිරූපණ ක්ෂේත්‍රයෙන් ඉවත්ව සිටින්නීයකි. දැනට ‘යූ ටියුබ්’ සමාජාජාල වෙබ් අඩවියේ ‘ටික් ටොක් පිස්සි’ නමින් චැනලයක් පවත්වාගෙන යන ඇය ඉන් විනෝදාත්මක විඩියෝ සිය රසික පිරිස් වෙත පළ කරමින් සිටියි. සිය අලුත්ම වැඩ කටයුත්ත පිළිබඳව රිහාෂා අපිට දැක්වුයේ මෙවැනි කෙටි අදහසකි.

 

“නිරූපණ ක්ෂේත්‍රය මට සුදුසු නැහැ කියලා හිතුණා. මොකද එතැන කැපිලි කෙටිලි ගොඩක් වැඩියි. විශේෂයෙන්ම, මගේම යහළුවන්ගෙන්. ඉතින් ඒ ක්ෂේත්‍රයෙන් ඉවත්වෙලා මම හිතුවා මගේම කියලා ‘යු ටියුබ්’ චැනලයක් පටන් ගන්න. මේ චැනලයේ නම තමයි ‘ටික් ටොක් පිස්සි’. මුදල් හම්බ කිරීමේ පරමාර්ථයෙන් නෙමෙයි මේ චැනලය මම පවත්වාගෙන යන්නේ. ගොඩක්ම මේ චැනලය හරහා මා පළ කරන්නේ විනෝදාතම විඩියෝ හරහා මගේ යහළුවන්ට, රසික පිරිසට යම් වින්දනයක් ලබා දෙන්න. දැනට මම කරපු විනෝදාත්මක විඩියෝවලට ඉහළ රසික ප්‍රතිචාර ලැබෙමින් පවතිනවා. සමහර අය මට බනිනවා මේ විඩියෝ දැකලා. ඒත්, සමහර අය කරන වැඩේ හොඳයි කියලා ප්‍රතිචාර දක්වනවා. ඉතින් මේ ලැබෙන රසික ප්‍රතිචාර නිහතමානිව භාරගෙන මේ වැඩේ මම සාර්ථකව ඉදිරියට කරගෙන යනවා.” 

 

More Photos Click Here