කූරගල මුත්තාට වයස 16,000යි

කූරගල පුරාවිද්‍යා රක්ෂිතයෙන් සොයාගත් මානව අස්ථි කොටස් අදින් වසර 16,000ට පෙර විසූ මානවයකුගේ බව විද්‍යාත්මක කාලනිර්ණයට අනුව තහවුරු වී ඇතැයි පුරාවිද්‍යා දෙපාර්තමේන්තුවේ හිටපු නියෝජ්‍ය අධ්‍යක්ෂ ජනරාල් ආචාර්ය නිමල් පෙරේරා මහතා පවසයි. මේ බව තහවුරු කරගෙන ඇත්තේ එංගලන්තයේ කේම්බ්‍රිජ් හා ඔක්ස්ෆර්ඩ් විශ්වවිද්‍යාලයන්හි දී කරන ලද බීටා ඇනලටික් නම් කාලනිර්ණ ක්‍රමයෙනි. 2013 වර්ෂයේ මැයි මාසයේ දී කරන ලද කැණීමක දී මේ මානව සාධක හමුවී තිබිණි.
පහතරට වියළි කලාපයට හා තෙත් කලාපයට මැදින් පිහිටි අතර මැදි කලාපයට අයත්වන කූරගල ආසන්න බෙල්ලන්බැඳිපැලැස්සෙන් ද ප්‍රාග් ඓතිහාසික මානව සාධක හමුවී තිබිණි. බෙල්ලන්බැඳිපැලැස්සේ දී හමුවූ මානව අවශේෂ කාල නිර්ණය කිරීමේ දී ඒ මානවයා වසර 13,000ක් පැරණි බව තහවුරු විය. ඒ අනුව කූරගලින් හමුවූ ප්‍රාග් ඓතිහාසික මානව සාධක ඊටත් වඩා වසර 3000ක් අතීතයට දිව යයි.



lankadeepa