මීට වසර කිහිපයකට පෙර ලෝකයේ ජංගම දුරකතන වෙළඳපොළෙහි ආධිපත්‍යය පතුරවා සිටි නොකියා සමාගමට යන එන මං නැතිවූයේ සැම්සුන් සමාගම ඇන්ඩ්‍රොයිඩ් දුරකථන හඳුන්වාදීමත් සමඟය.

එබැවින් වෙළඳපොළ ඉල්ලුමට හැඩගැසීම සඳහා නොකියා සමාගමද ඇන්ඩ්‍රොයිඩ් දුරකථන හඳුන්වාදීමට තීරණය කර තිබේ.

ඒ අනුව ගූගල් ඇන්ඩ්‍රොයිඩ් දුරකථන මෙහෙයුම් පද්ධතියෙන් සමන්විත ජංගම දුරකථනයක් පෙබරවාරි මස 24 වෙනිදා බාර්සිලෝනා හි පවත්වන Mobile World Congress Trade Show හිදී එලිදැක්වීමට නොකියා සමාගම නියමිතව සිටී.

නමුත් වාර්තා වන අන්දමට එම දුරකථනයෙන් Google Play Application Store වෙත පිවිසීමට නොහැකිය. නොකියා සහ මයික්‍රොසොෆ්ට් නිපදවූ Here Maps, Mix Radio වැනි ඇප්ස් ක්‍රියා කිරීමට හැකිවෙයි.

අඩු මිලක් යටතේ වෙළදපොලට පැමිණීමට නියමිත එම දුරකථනය Nokia X ලෙස නම් කිරීමට බොහෝ විට ඉඩ ඇත.

එම දුරකථනයට dual-core 1GHz Snapdragon ප්‍රොසෙසරයක් ද, අගල් 4 WVGA තිරයක් ද, 512MB රැම් ධාරිතාවක් ද, 4GB මතක ධාරිතාවක් සහ Micro SD card slot එකක් අයත් ය.

සිම්බියන් දුරකථන අලෙවිය පහත වැටෙද්දී ඇන්ඩ්‍රොයිඩ් දුරකථන අළෙවිය ඉහළ ගියේ පහත ආකාරයටය.

-33000-