සූර්යයා සිදුරු වෙයි…
සූර්යයා මතු පිට ඇති දැවැන්ත සිදුරක් වීඩියෝගත කිරීමට නාසා විද්‍යාඥයින් විසින් සමත්ව ඇතැයි වාර්තා වේ. මෙම කොරෝනා සිදුර හතරැස් හැඩයකින් යුක්ත වන අතර එය සූර්ය ගති විද්‍යා නිරීක්ෂණාගාරය විසින් සොයා ගෙන තිබේ.
විද්‍යාඥයින් පවසන්නේ සූර්ය සුළං ලෙස කෙතරම් දැඩි වේගයකින් සූර්ය පදාර්ථ ඉවත් වන්නේද යන්න මෙයින් පැහැදිලි වන බවයි.
නාසා ආයතනය විසින් නිකුත් කර ඇති වීඩියෝව තුල අදාළ හිඩැස අඳුරු පැහැයකින් දැක්වෙන අතර සූර්ය පෘෂ්ඨය වඩා පැහැදිලිව දැකගැනීම සඳහා පාරජම්බුල කිරණ පෙරහනක් භාවිතා කර තිබීම එයට හේතුවයි.
සූර්ය ගති විද්‍යා නිරීක්ෂණාගාරය පවසන්නේ මෙම සිදුර සූර්යයාගේ දකුණු කොටසේ තිබීම හේතුවෙන් නිකුත්වූ සූර්ය කොරෝනා අංශු පෘථිවිය වෙත ළගාවීමට ඇති ඉඩකඩ අඩු බවයි.
ගති විද්‍යා නිරීක්ෂණාගාරය සූර්යයා නිරීක්ෂණය කිරීම සඳහා කක්ෂගත කර ඇති යානාවන් කිහිපයෙන් එකක් බව පැවසේ.
සූර්යයා සෑම වසර 11ක කාලපරිච්ෙඡ්දයක් තුළදී සිය චුම්භක ධැව මරු කරන අතර ඒ කාලසීමාවේදී සූර්ය කුණාටු තත්වයන් උත්සන්න වේ.
එවැනි ප‍්‍රබල සූර්ය කොරෝනා විමෝචනයක් පෘථිවිය වෙත බලපෑවහොත් විදුලි බල ජාලයන් විනාශ වී යාමට පවා ඉඩ ඇතැයි පැවසේ.
කෙසේවෙතත් නාසා විද්‍යාඥයින් පවසා ඇත්තේ සූර්ය චක‍්‍රය පසුගිය වසරේදී අවසන් වීම සමග අනතුරුදායක කාලසීමාව මේ වන විට අවසන්ව ඇති බවයි.
lankacnews
No comments:
Post a Comment