ගෙදරින් පැනගිය දියණිය දරුවකු වඩාගෙන අවුරුදු උත්සවයට ඇවිත්
පෞද්ගලික රූපවාහිනී නාලිකාවක පසුගියදා සජීවීව විකාශනය වූ අවුරුදු උත්සවයක වසර දෙකකට පෙර තම නිවෙසින් පැනගිය දියණිය දරුවකු වඩාගෙන සිටිනු දැකීමෙන් මවිතයට පත්ව එම උත්සවය පැවැත්වූ ස්ථානය බලා ගිය මවුපියන් පිළිබඳ අපූරු පුවතක් ඇඹිලිපිටිය ප‍්‍රදේශයෙන් පසුගියදා අසන්නට ලැබිණ.
මේ දියණිය තරුණයකු හා පැන ගිය පුවත මෙයට වසර දෙකකට පෙර ප‍්‍රදේශය පුරා පැතිරී ගියත් ඇය සොයා ගැනීමට කිසිවකු සමත්වූයේ නැත.
මේ පිළිබඳව විමසූවිට නක්‍ෂත‍්‍රකරුවකු කියා තිබුණේ අවුරුදු කාලයක මේ පිළිබඳ හරි ආරංචියක් ලද හැකි බවකි.
පසුගියදා රූපවාහිනි සජීවී අවුරුදු උත්සවයක් නරඹද්දී මව දුටුවේ තම නැතිවූ දියණිය කුඩා දරුවකු වඩාගෙන සිටින බවයි. තම සැමියාට ද ඒ බව පෙන්වූ ඇය පසුවදාම උත්සවය පැවැති ඇඹිලිපිටිය ප‍්‍රදේශයට ගියත් ඒ වනවිට උත්සවය අවසන්ව පැවැති නිසා හරි ආරංචියක් ලබාගැනීමට අපහසුව ආපසු ආවාලූ.
lankadeepa
No comments:
Post a Comment