කෝපි පානයෙන් දියැවඩියාව වැළකේ

වැඩිපුර කෝපි පානය කරීම දියවැඩියා රෝගයෙන් මිදීමට හේතුවක් බව පර්යේෂකයෝ කියති. දිනකට කෝපි කෝප්ප 1 1/2 ක් වැඩිපුර පරිභෝජනය මගින් දෙවන ගනයේ දියැවඩියාව වර්ධනය වීම සියයට 11න් අඩුකර ගත හැකිබව කියති.
හාර්වඩ් විශ්වවිද්‍යාලයේ පෝෂණය පිළිබඳ මහජන සෞඛ්‍ය දෙපාර්තමේන්තුවේ ආචාර්ය ෆ්‍රෑන්ක් හු සහ ආචාර්ය ශිල්ප බූපතිරාජු කෝපි පරිභෝජනය මගින් දියවැඩියාවටවන වෙනස්කම් පිළිබඳ ඇති සම්බන්ධය සොයා බැලීය.
වයස අවුරුදු 25-75 දක්වා කාණ්ඩවල දත්ත විශ්ලේෂණය කරන ලදී. පර්යේෂණයට බදුන් වූවන්ගේ භෝජනය, ජීවන තත්ත්වය, සෞඛ්‍ය සම්පන්න බව සහ වෙනත් පවතින නිදන්ගත රෝග පිළිබඳ විස්තරාත්මක තොරතුරු සෑම වසර දෙකේ සිට හතර දක්වා වසර 20ක් තිස්සේ එකතුකැර ඇත.
මේ අධ්‍යයනට සහභාගී වූ අය ඔවුන් දිනකට පානය කරන කෝපි ප්‍රමාණය කෝප්ප එකකින් හෝ දෙකකින් අඩුකළ විට දෙවන ගනයේ දියවැඩියා තත්ත්වය පිළිබඳ අනතුර සියයට 17න් වැඩි වූ බව සොයා ගෙන තිබේ. 
දිනකට කෝපි කෝප්ප තුනක් හෝ ඊට වැඩියෙන් පානය කරන ලද අයගේ දියවැඩියා අවදානම අවම වී තිබේ. මේ පර්යේෂණය පිළිබඳ තොරතුරු යුරෝපීය දියවැඩියා අධ්‍යයනය පිළිබඳ ඩබෙටලොජියා නමැති සඟරාවේ ප්‍රසිද්ධ කැර තිබේ.

lankadeepa